Jýyrda Astanadaǵy «Kazakh Invest» ulttyq kompanııasynyń alańynda ótken «Ortalyq Azııa – Qytaı» forýmynda Qazaqstan men Qytaı eliniń jetekshi kompanııalary 60-qa jýyq kelisimge qol qoıdy. Solardyń biri – Shakarim University men Xi’an Jiaotong University (QHR) arasyndaǵy Halyqaralyq elektrlik avtomatıka zerthanasyn qurý týraly mańyzdy joba.
Shakarim University rektory Dýman Orynbekovtyń aıtýynsha, qos birdeı bilim ordasynyń ǵylymı-tehnologııalyq seriktestigi «Ortalyq Azııa – Qytaı» Ekinshi ındýstrııalyq-ınnovasııalyq sammıtiniń basty baǵytynyń biri bolǵan.
– Qytaılyq áriptestermen artyp kele jatqan seriktestiktiń arqasynda Shakarim University ǵylym, ındýstrııa jáne bilimniń ınfraqurylym, qarjy jáne kadrlar turǵysynan toǵysatyn óńirlik ortalyǵyna aınalyp otyr. Búgingi transulttyq ǵylymı yntymaqtastyq modeliniń iske qosylýy – óńirden bastalyp, naqty nátıje berýge baǵyttalǵan joba. Bul – jastar kadryna qatysty memlekettik saıasattyń tıimdiligin dáleldeıdi, – deıdi rektor.
Sonymen atalmysh zerthana Xi’an Jiaotong University qoldaýymen Shakarim University bazasynda qurylady. Qytaı tarapy 5,3 mlrd teńgeni tehnıkalyq qurylǵylar, zaman talabyna saı jańa baǵdarlama, kadrlardy oqytý jáne zerthanalardy jańǵyrtý úshin bólip otyr. Al Qazaqstan aýmaǵy 1000 m² bolatyn ınfraqurylym, ákimshilik úılestirý jáne óńirlik ǵylymı-bilim berý ekojúıesine tolyq ıntegrasııa usynady. Zerthana elektrlik avtomatıka, «jasyl» logıstıka, aqyldy kólik júıeleri, sıfrlyq sheshimder men ıntellektýal óndiris salasyndaǵy qoldanbaly zertteýlermen aınalysady. Jańa zerthana bilim men tehnologııany ushtastyratyn ǵylymı-ınjenerlik, kadrlyq hab retinde Abaı jastaryna jańa múmkindik bermek.
Jobany Abaı oblysynda iske asyrýdyń da esebi men syry bar. Zerthananyń Abaı oblysynda ornalasýy birqatar ınfraqurylymdyq shyǵyndardy azaıtady, ári «Semei – Bakhty – Tacheng» logıstıkalyq dáliziniń de eki el úshin mańyzy zor. Bul aımaqtyń júzdegen jańa jumys ornyn qurýǵa áleýeti jetedi. Joba nátıjesinde 10-nan astam qoldanbaly tehnologııa transferi, shaǵyn ınnovasııalyq kásiporyndardy iske qosý, zııatkerlik menshikten túsetin kirister, stýdenttik jáne zertteý jobalaryn damytý, jobany Qazaqstannyń ózge óńirlerinde de atqarý syndy múmkindikterge qol jetkizýge bolady. Osylaısha, eki el jobasy Abaı óńirin elimizdiń shyǵysyndaǵy tehnologııalyq mańyzy bar tirek retinde nyǵaıtýǵa jol ashady.
Abaı oblysy
